शासकीय सुट्टीच्या दिवशीही मुद्रांक कार्यालय सुरू राहणार

सांगली दि. 21 (जि.मा.का.) : नोंदणी व मुद्रांक शुल्क विभागाकडून दरवर्षी एक एप्रिलला वार्षिक मूल्य दरानुसार नवीन दर जाहीर केले जातात. ही पार्श्वभूमी लक्षात घेऊन दिनांक 23 व 24 मार्च तसेच 29 ते 31 मार्च या शासकीय सुट्टीच्या दिवशी मुद्रांक जिल्हाधिकारी कार्यालय तसेच जिल्ह्यातील सर्व दुय्यम निबंध कार्यालये या दिवशी सुरू राहणार असल्याची माहिती सहाय्यक जिल्हा निबंधक वर्ग-1 तथा मुद्रांक जिल्हाधिकारी अश्विनी सोनवणे - जिरंगे यांनी पत्रकाद्वारे दिली आहे. पक्षकारांनी या संधीचा लाभ घ्यावा, असे आवाहन कार्यालयाच्यावतीने करण्यात आले आहे. 00000