सांगली,
दि. 4,
(जि. मा.
का.) : कोयना धरण पाणीसाठा 104.72 टी.एम.सी (99 टक्के) इतका
झालेला आहे. कोयना धरण परिसरात अतिवृष्टी होत असून आज दिनांक 4 सप्टेंबर रोजी
सकाळी 10.45 वाजता कोयना धरणाचे रेडियल गेट 8 फूटाने उघडण्यात येवून पाण्याचा
विसर्ग 73 हजार 63 क्युसेक्स इतका करण्यात आला आहे. तसेच वारणा धरणातील विसर्ग 3 हजार 620 क्युसेक्स इतका आहे. यामुळे सांगली
येथील सद्याच्या कृष्णा नदीच्या पात्रामधील पाण्याच्या पातळीमध्ये वाढ होवून
सद्यस्थितीत 25 फूटापर्यंत वाढण्याची शक्यता आहे. तरी नदीकाठच्या विशेषत: वाळवा,
शिराळा, मिरज, पलूस तालुक्यातील तसेच महानगरपालिका क्षेत्रातील लोकांनी सावधानता
बाळगावी व नदीपात्रामध्ये कोणीही जावू नये, असे आवाहन जिल्हा प्रशासनामार्फत
करण्यात आले आहे.
00000
कोणत्याही टिप्पण्‍या नाहीत:
टिप्पणी पोस्ट करा