पणजी येथे 21 जूनला डाक अदालत

सांगली, दि. 18, (जि. मा. का.) : भारतीय डाक विभागाची क्षेत्रीय स्तरावरील डाक अदालत दि. 21 जून 2023 रोजी दुपारी 12 वाजता पोस्टमास्तर जनरल गोवा क्षेत्र, पणजी यांच्या कार्यालयात आयोजित केली आहे. तक्रारी स्विकारण्याची अंतिम तारीख 31 मे 2023 आहे. अशी माहिती प्रवर डाक अधिक्षक सांगली यांनी दिली. गोवा क्षेत्राशी संबंधित पोस्टाच्या सेवेविषयी किंवा कामकाजाबद्दल ज्या तक्रारींचे निवारण सहा आठवड्याच्या आत झालेले नसेल व समाधानकारक उत्तर मिळाले नसेल अशा तक्रारींची डाक अदालत मध्ये दखल घेतली जाणार आहे. संबंधितांनी ज्या अधिकाऱ्यास मूळ तक्रार पाठविली असेल त्यांचे नाव व हुद्दा याचा स्पष्ट उल्लेख करून मूळ अर्जाच्या प्रतीसह दि. 31 मे 2023 पर्यंत श्री. यू. विजय कुमार, सचिव, डाक अदालत आणि सहाय्यक निदेशक डाक सेवा, पोस्टमास्तर जनरल, गोवा क्षेत्र, पणजी-403001 यांच्या नावे तक्रार पाठवावी, असे आवाहन डाक विभागामार्फत करण्यात आले आहे. 00000