क्रीडा पुरस्कारासाठी प्रस्तावित पुरस्कार्थींची यादी प्रसिध्द आक्षेप, हरकती असल्यास 22 मे पर्यंत सादर करण्याचे आवाहन

सांगली, दि. 18, (जि. मा. का.) : महाराष्ट्र शासनाच्या क्रीडा विभागामार्फत राज्यातील क्रीडा विभागाचा प्रतिष्ठेचा असलेला शिवछत्रपती राज्य क्रीडा पुरस्कार प्रदान करण्यात येतो. क्रीडा व युवक सेवा संचालनालयाच्या https://sports.maharashtra.gov.in या संकेतस्थळावरील पुरस्कार या टॅबमध्ये (इंग्रजीकरीता Awards) राज्यस्तरीय पुरस्कार निवड समितीने शिफारस केलेल्या प्रस्तावित पुरस्कार्थींची यादी दि. 16 ते 22 मे 2023 या कालावधीत प्रसिध्द करण्यात आली आहे. त्यानुसार याबाबत आक्षेप असल्यास desk14.dsys-mh@gov.in या ई-मेल वर 22 मे 2023 पर्यंत आक्षेप, हरकती विहीत नमुन्यात सादर कराव्यात. आक्षेप, हरकती विहीत नमुन्यात सादर करण्यासाठी विहीत नमुना https://sports.maharashtra.gov.in या संकेतस्थळावरून डाऊनलोड करून घ्यावा, असे आवाहन क्रीडा विभागामार्फत करण्यात आले आहे. 00000