दिव्यांग अधिकारी, कर्मचाऱ्यांचा 24 डिसेंबरला सन्मान सोहळा व कार्यशाळा

सांगली, दि. 21 (जि.मा.का.) : सांगली जिल्ह्यातील दिव्यांग सरकारी अधिकारी व कर्मचाऱ्यांच्या प्रोत्साहनासाठी व त्यांचा आत्मविश्वास वाढविण्यासाठी महाराष्ट्र राज्य अपंग कर्मचारी संघटना मुंबई-३२, शाखा सांगली यांच्या वतीने दिव्यांग अधिकारी, कर्मचारी यांचा सन्मान सोहळा व कार्यशाळेचे आयोजन दि. २४ डिसेंबर २०२३ रोजी सकाळी १० वाजता पाटबंधारे भवन, सांगली येथे केले आहे. हा कार्यक्रम जिल्हाधिकारी डॉ. राजा दयानिधी यांच्या अध्यक्षतेखाली होणार असून उद्घाटक म्हणून जिल्हा परिषदेच्या मुख्य कार्यकारी अधिकारी तृप्ती धोडमिसे आहेत. महानगरपालिका उपायुक्त सुनिल पवार, जिल्हा शल्य चिकित्सक डॉ. विक्रमसिंह कदम, शिक्षणाधिकारी (प्राथमिक) मोहन गायकवाड, राज्य परिवहन महामंडळाचे विभाग नियंत्रक सुनिल भोकरे, महाराष्ट्र राज्य अपंग कर्मचारी संघटनेचे राज्यध्यक्ष साईनाथ पवार व राज्य समन्वयक महादेव शिंदे हे प्रमुख पाहुणे व मार्गदर्शक आहेत. तरी जिल्ह्यातील सर्व दिव्यांग अधिकारी व कर्मचारी यांनी या कार्यक्रमाचा लाभ घ्यावा, असे आवाहन जिल्हाध्यक्ष इलियास बागवान व जिल्हा सचिव अंकुर यादव यांनी केले आहे. 00000