ग्रामपंचायत सार्वत्रिक निवडणूक-2022 : जाहिरातीच्या परवानगीसाठी तालुकास्तरावर समिती गठीत

सांगली दि. २३ (जि.मा.का.) : राज्य निवडणूक आयोगाच्या सूचनेनुसार ग्रामपंचायत सार्वत्रिक निवडणूक-2022 साठी निवडणुकीस उभे असलेल्या उमेदवारांना जाहिरात ( पेड सोशल कमेंट, सोशल मीडिया, इलेक्ट्रॉनिक मीडिया, व्हॉटसअप, फेसबुक) प्रसारित करण्यास परवानगी देण्यासंदर्भात तालुकास्तरीय समिती गठीत करण्यात आल्याचे आदेश जिल्हाधिकारी डॉ. राजा दयानिधी यांनी दिले आहेत. तालुकास्तरीय समितीचे अध्यक्ष तहसीलदार असून आचारसंहिता कक्ष प्रमुख आणि संबंधित प्रभागाचा निवडणूक निर्णय अधिकारी हे या समितीचे सदस्य आहेत. ०००००