अल्पसंख्यांकांच्या हक्कांच्या जाणीव जागृतीसाठी १० एप्रिलला कार्यक्रमाचे आयोजन

सांगली दि. 5 (जि.मा.का.) अल्पसंख्यांकांच्या हक्कांच्या जाणीव जागृतीसाठी डॉ. बाबासाहेब आंबेडकर सामाजिक न्याय भवन, जुना बुधगाव रोड, सांगली येथे १० एप्रिल २०२३ रोजी सकाळी ११ वाजता कार्यक्रमाचे आयोजन करण्यात आले आहे. या कार्यक्रमामध्ये अल्पसंख्यांक समाजातील प्रतिष्ठीत व्यक्तींना आमंत्रित करुन अल्पसंख्याक समुदायाचे हक्क व त्यांच्यासाठीच्या शासकीय योजना याबाबतची माहिती देण्यात येणार आहे. या कार्यक्रमास अल्पसंख्यांक समाजातील नागरीकांनी मोठ्या संख्येने उपस्थित राहून लाभ घ्यावा, असे आवाहन निवासी उपजिल्हाधिकारी मोसमी चौगुले व सहाय्यक आयुक्त जयंत चाचरकर यांनी केले आहे. ०००००