ग्राहक मध्यस्थ समाधान विशेष मोहिमेंतर्गत चार प्रकरणात तडजोड

सांगली, दि. 21, (जि. मा. का.) : ग्राहक मध्यस्थ समाधान विशेष मोहिमेंतर्गत जिल्हा ग्राहक तक्रार निवारण आयोगाकडील तडजोडीसाठी ठेवण्यात आलेल्या 14 प्रकरणांमध्ये 4 प्रकरणात तडजोड होवून ही प्रकरणे निकाली काढण्यात आली आहे. याकामी सांगली जिल्हा ग्राहक आयोगाचे अध्यक्ष मुकुंद दाते यांनी पॅनेल प्रमुख तर सेवानिवृत्त न्यायाधीश श्रीकांत आ. उपाध्ये यांनी सदस्य म्हणून काम पाहिले. तडजोड केलेल्या 4 प्रकरणांमध्ये तक्रारदारांना सुमारे 2 लाख रूपये इतकी रक्कम तडजोडीअंती मिळाली. यासाठी ॲड. परांजपे, ॲड. सुर्यवंशी, ॲड. वझे, ॲड. नरवाडे, ॲड. श्रीमती फाटक यांचे सहकार्य लाभले. अशी माहिती जिल्हा ग्राहक तकार निवारण आयोगाचे प्रबंधक एन. बी. कुनाळे यांनी प्रसिध्दीपत्रकाव्दारे दिली. 00000