लम्पी चर्मरोगाने मृत्यू : नुकसान भरपाईसाठी ऑनलाइन अर्ज स्वीकारण्याची सोय

सांगली, दि. 29, (जि. मा. का.) : लम्पी चर्मरोगाने मृत्युमुखी पडलेल्या पशुधनाच्या नुकसान भरपाईसाठी ऑनलाइन प्रणालीव्दारे अर्ज स्वीकारण्यासाठी www.mahapashuarogya.com या संकेतस्थळावर व गुगल प्लेस्टोअरवर PASHU SAHAYATA मोबाईल अॅप तयार करण्यात आले आहे. लम्पी चर्मरोगाने मृत्युमुखी पडलेल्या पशुधनाच्या पशुपालकांनी या संकेतस्थळावर अथवा PASHU SAHAYATA मोबाईल अॅपवर नोंदणी करून अर्ज करावेत. ऑनलाईन अर्ज भरण्यासाठी पशुपालकांनी स्वतःच्या मोबाईलचा वापर करावा, असे आवाहन जिल्हा पशुसंवर्धन उपआयुक्त डॉ. एस. एस. बेडक्याळे यांनी केले आहे. 00000