बेरोजगार उमेदवारांनी आधार लिंकसह नाव नोंदणी अद्ययावत करावी - सहायक आयुक्त संजय माळी

 सांगली, दि. 15 , (जि. मा. का.) : शासनाच्या कौशल्य विकास रोजगार व उद्योजकता विभागाच्या http://rojgar.mahaswayam.gov.in या वेबपोर्टलवर ज्या बेरोजगार उमेदवारांनी नोकरीसाठी नाव नोंदणी केलेली आहे, त्यांनी आधार लिंकसह आपली नोंदणी अद्ययावत करावी. तसेच मोबाईल नंबर, ई-मेल आयडी सुध्दा अद्ययावत करून नोकरीच्या संधीचा लाभ घ्यावा, असे आवाहन जिल्हा कौशल्य विकास रोजगार व उद्योजकता मार्गदर्शन केंद्राचे सहायक आयुक्त संजय माळी यांनी केले आहे.

याबाबत काही अडचणी असल्यास जिल्हा कौशल्य विकास रोजगार व उद्योजकता मार्गदर्शन केंद्र, मध्यवर्ती प्रशासकीय इमारत, विजयनगर, सांगली कार्यालयाच्या दूरध्वनी क्रमांक 0233-2600554 वर संपर्क साधावा, असे आवाहनही श्री. माळी यांनी केले आहे.

00000