अनुवंशिक सुधारणा कार्यक्रमांतर्गत जातीवंत जनावरांच्या नोंदणीसाठी पशुपालकांना 15 जुलै पर्यंत अर्ज करण्याचे आवाहन

सांगली, दि. 10, (जि. मा. का.) : सांगली जिल्ह्यामध्ये सन 2022-23 मध्ये जिल्ह्यातील गायी म्हशींची उत्पादकता वाढविण्यासाठी सर्वसमावेशक अनुवंशिक सुधारणा कार्यक्रम राबविण्यात येणार आहे. या योजनेत सहभागी होण्याकरीता जिल्ह्यातील पशुपालकांकडील जातीवंत जनावरांची निवड करून नोंदणी करण्यात येणार आहे. नोंदणीकृत जातीवंत गायी व म्हशींपासून तयार होणाऱ्या कालवडी व रेड्या यांना 6 महिन्यांच्या कालावधीनंतर प्रोत्साहनपर अनुदान म्हणून 5 हजार रूपये देण्यात येणार आहेत. या योजनेंतर्गत निवडलेल्या देशी व संकरीत गायी -म्हशींच्या कृत्रिम रेतनासाठी उच्च दर्जाच्या रेतमात्रा वापरण्यात येणार आहे. त्यासाठी पशुपालकांनी त्यांच्या जवळच्या पशुवैद्यकिय संस्थेशी संपर्क साधून त्यांच्याकडील गायी व म्हशींचे अर्ज दि. 15 जुलै 2022 पर्यंत भरून द्यावेत, असे आवाहन जिल्हा पशुसंवर्धन उपायुक्त डॉ. संजय धकाते यांनी केले आहे. 00000