मिरज शहरात वाहतूक ‍नियमन

सांगली, दि. 22, (जि. मा. का.) : मिरज शहरातील छत्रपती शिवाजी महाराज रस्त्याचे कामकाज जलद गतीने होण्यासाठी या रस्त्याचा हिरा हॉटेल चौक पासून ते मिशन हॉस्पिटल चौक पर्यंतचा मार्ग वाहतुकीसाठी बंद करून या मार्गावरील वाहतूक खालील मार्गावरून वळविण्यात आल्याचे आदेश जिल्हाधिकारी तथा जिल्हादंडाधिकारी डॉ. अभिजीत चौधरी यांनी दिले आहेत. पंढरपूर कडून मिरज स्थानक, कोल्हापूर कडे जाणारी वाहतूक - मिशन हॉस्पिटल चौक - वंटमुरे कॉर्नर - डॉ. बाबासाहेब आंबेडकर गार्डन (संविधान चौक) - सुखनिवास (रेल्वे स्टेशन) - स्टेशन चौक मार्गे मिरज स्थानक - कोल्हापूर आणि कोल्हापूर कडून सांगली व पंढरपूर कडे जाणारी वाहतूक - स्टेशन चौक - सुखनिवास (रेल्वे स्टेशन) - डॉ. बाबासाहेब आंबेडकर गार्डन (संविधान चौक) - वंटमुरे कॉर्नर मार्गे सांगली, पंढरपूर मार्गे वरून वळविण्यात आल्याचे आदेश जारी केले आहेत. तसेच वाहतुक सुरक्षा उपाययोजनेव्दारे वाहतुक नियंत्रीत करण्याचे आदेश जिल्हादंडाधिकारी डॉ. अभिजीत चौधरी यांनी निर्गमीत केले आहेत. 00000