प्रधानमंत्री पीक विमा योजनेत सहभागासाठी 3 ऑगस्ट पर्यंत मुदतवाढ - जिल्हा अधिक्षक कृषि अधिकारी विवेक कुंभार

सांगली, दि. 1, (जि. मा. का.) : केंद्र शासनाच्या मार्गदर्शक सूचनांनुंसार प्रधानमंत्री पीक विमा योजना शासनाने खरीप हंगाम 2023 मध्ये अधिसूचित क्षेत्रातील अधिसूचित पिकांसाठी राज्यात राबविण्यास शासनाने मंजुरी दिलेली आहे. या योजनेत शेतकऱ्यांना सहभागाची अंतिम मुदत 31 जुलै 2023 होती. तथापि, शेतकऱ्यांना या योजनेत सहभागी होण्यासाठी येणाऱ्या तांत्रिक अडचणी विचारात घेऊन योजनेत सहभागासाठी पुरेसा कालावधी उपलब्ध करून देण्याच्या उद्देशाने केंद्र शासनाने प्रधानमंत्री पीक विमा योजना खरीप हंगाम 2023 मध्ये शेतकऱ्यांना सहभागी होण्यासाठी 3 ऑगस्ट 2023 पर्यंत मुदतवाढ दिली आहे. या योजनेत जास्तीत जास्त शेतकऱ्यांनी सहभागी व्हावे, असे आवाहन जिल्हा अधिक्षक कृषि अधिकारी विवेक कुंभार यांनी केले आहे. 00000