शिराळा शहरातील सर्व प्रकारच्या किरकोळ मद्य विक्री अनुज्ञप्त्या नागपंचमी सणादिवशी मद्य विक्रीसाठी पूर्ण दिवस बंद - जिल्हाधिकारी डॉ. राजा दयानिधी

सांगली, दि. 31, (जि. मा. का.) : शिराळा शहरात नागपंचमी सण दि. 2 ऑगस्ट 2022 रोजी साजरा होत आहे. हा सण शांततेत व सुरळीत पार पाडण्याकरीता तसेच कायदा व सुव्यवस्था अबाधीत राखण्याकरीता मुंबई दारूबंदी कायदा 1949 मधील कलम 142 अन्वये दि. 2 ऑगस्ट 2022 रोजी एक दिवसाकरीता शिराळा शहरातील सर्व प्रकारच्या किरकोळ मद्य विक्री अनुज्ञप्त्या (सीएल-3, एफएल-2, एफएल-3, एफएलबीआर-2, टीडी-1, फॉर्म-ई, फॉर्म-ई-2) मद्य विक्रीसाठी पूर्ण दिवस बंद राहतील. या आदेशाचे उल्लंघन झाल्याचे आढळल्यास संबंधित अनुज्ञप्तीधारकाविरूध्द कडक कारवाई करण्यात येईल याची नोंद घ्यावी, असे आदेश जिल्हाधिकारी डॉ. राजा दयानिधी यांनी जारी केले आहेत. 00000