गुरुवार, १३ जुलै, २०२३
तंबाखूमुक्त शाळेसाठी व्यापक जनजागृती करा - जिल्हाधिकारी डॉ. राजा दयानिधी
सांगली, दि. १३ जुलै (जि.मा.का.):- जिल्ह्यातील सर्व शाळा तंबाखूमुक्त व्हाव्यात यासाठी आरोग्य व शिक्षण विभागाने व्यापक जनजागृती मोहीम राबवावी, अशा सूचना जिल्हाधिकारी डॉ. राजा दयानिधी यांनी आज दिल्या.
राष्ट्रीय तंबाखू नियंत्रण कार्यक्रमांतर्गत जिल्हास्तरीय समिती समन्वय समितीची बैठक जिल्हाधिकारी कार्यालयात झाली. बैठकीस डॉ. मिलिंद पोरे, डॉ. विनायक पाटील, डॉ. वैभव पाटील आदि उपस्थित होते.
डॉ. राजा दयानिधी म्हणाले, तंबाखूच्या दुष्परिणामबाबत शालेयस्तरावर व्यापक जनजागृती झाल्यास त्याचा तंबाखू मुक्तीसाठी मोठा लाभ होईल. शिक्षण विभागाने शालेय स्तरावर बैठका घ्याव्यात. शालेय परिसरात व सार्वजनिक ठिकाणी धुम्रपान करणाऱ्यांवर कठोर कारवाई करावी. यासाठी आरोग्य विभाग व पोलीस विभागाने संयुक्तपणे मोहीम राबवावी, अशा सूचना जिल्हाधिकारी डॉ. राजा दयानिधी यांनी बैठकीत दिल्या.
०००००
याची सदस्यत्व घ्या:
टिप्पणी पोस्ट करा (Atom)
कोणत्याही टिप्पण्या नाहीत:
टिप्पणी पोस्ट करा