चित्ररथाव्दारे पीक विमा योजनेची प्रचार प्रसिद्धी प्रचार प्रसिद्धी रथाला जिल्हाधिकाऱ्यांनी दाखवला हिरवा झेंडा

सांगली दि. 4 (जि.मा.का.) : सांगली जिल्हा खरीप हंगाम २०२३ प्रधानमंत्री पीक विमा योजना ही भारतीय कृषी विमा कंपनी मार्फत जिल्ह्यात राबविण्यात येत आहे. पीक विमा योजनेची प्रचार प्रसिध्दी चित्ररथाव्दारे करण्यात येत आहे. प्रचार प्रसिध्दी चित्ररथाला जिल्हाधिकारी डॉ. राजा दयानिधी यांच्या हस्ते हिरवा झेंडा दाखवून पीक विमा प्रचार प्रसिद्धी सप्ताहाला प्रारंभ करण्यात आला. शेतकऱ्यांना एक रुपयात विमा भरता येणार आहे. तरी सर्व शेतकऱ्यांनी या योजनेत सहभाग घ्यावा, असे आवाहन जिल्हाधिकारी डॉ. राजा दयानिधी यांनी यावेळी केले. विमा भरण्यासाठी ३१ जुलै ही शेवटची तारीख देण्यात आली आहे. यावेळी जिल्हा अधीक्षक कृषी अधिकारी विवेक कुंभार, भारतीय कृषी विमा कंपनीचे जिल्हा प्रतिनिधी संदीप पाटील व जिल्हा अधीक्षक कृषी अधिकारी कार्यालयातील अधिकारी व कर्मचारी उपस्थित होते. 00000