सांगलीत 19 जूनला पेन्शन अदालत

सांगली, दि. 15, (जि. मा. का.) : जिल्ह्यातील राज्य शासकीय निवृत्तीवेतनधारकांसाठी 19 जून रोजी पेन्शन अदालत आयोजित करण्यात आली आहे. महालेखापाल मुंबई व संचालक लेखा व कोषागारे मुंबई यांच्या संयुक्त विद्यमाने जिल्हा परिषद सांगली येथील पद्मभूषण डॉ. वसंतदादा पाटील सभागृहात सकाळी 10.30 वाजता ही पेन्शन अदालत होणार आहे. या पेन्शन अदालतीस जिल्ह्यातील राज्य शासकीय निवृत्तीवेतनधारकांनी व शासकीय विभागांच्या कार्यालय प्रमुखांनी उपस्थित राहावे, असे आवाहन कोषागार अधिकारी डॉ. सुहासिनी पाटील यांनी केले आहे. 000000