आषाढी एकादशीनिमित्त पंढरपूरला जाणाऱ्या वारकऱ्यांनी वाहनांसाठी टोल फ्री पास सवलतीचा लाभ घ्यावा - सहायक प्रादेशिक परिवहन अधिकारी पी. व्ही. साळी

सांगली, दि. 16, (जि. मा. का.) : आषाढी एकादशी-2023 च्या निमित्ताने शासनाकडून पंढरपूरला जाणाऱ्या व येणाऱ्या वारकऱ्यांना हलक्या व जड वाहनांसाठी पथकरातून सूट देण्याबाबत आदेश झाले आहेत. त्या अनुषंगाने उप प्रादेशिक परिवहन कार्यालय वसंतदादा औद्योगिक वसाहत माधवनगर रोड सांगली या कार्यालयामधून दि. 13 जून 2023 ते दि. 7 जुलै 2023 या कालावधीत पथकरातून सूट मिळण्याकरीता पथकर सवलत प्रवेशपत्र (टोल फ्री पास) सकाळी 9 ते रात्री 10 या वेळेत उपलब्ध करण्यात आले आहेत. याकरीता स्वतंत्र कक्ष स्थापन करण्यात आला आहे. पास घेण्याकरीता वाहन क्रमांक, मालकाचे नाव, भ्रमणध्वनी क्रमांक तसेच प्रवासाचा मार्ग व जाण्याची / येण्याची तारीख तसेच वाहनासंबंधी वैध कागदपत्रे सादर करणे आवश्यक आहे. या सवलतीचा भाविकांनी लाभ घ्यावा, असे आवाहन सहायक प्रादेशिक परिवहन अधिकारी पी. व्ही. साळी यांनी केले आहे. 00000