प्रमोद महाजन कौशल्य व उद्योजकता विकास अभियानातून 589 उमेदवारांना रोजगार व स्वयंरोजगार

सांगली, दि. 15, (जि. मा. का.) : जिल्हा कौशल्य विकास, रोजगार व उद्योजकता विकास मार्गदर्शन केंद्रामार्फत प्रमोद महाजन कौशल्य व उद्योजकता विकास अभियान राबविण्यात येत आहे. या अभियानांतर्गत जिल्ह्यातील 25 प्रशिक्षण संस्थांमध्ये उमेदवारांना प्रशिक्षण देण्यात येते. सन 2022- 2023 मध्ये प्रशिक्षण घेतलेल्या 589 उमेदवारांना रोजगार व स्वयंरोजगार प्राप्त झाला आहे. प्रमोद महाजन कौशल्य व उद्योजकता विकास अभियान अंतर्गत राज्य व केंद्र शासनातील विविध विभागाअंतर्गत कौशल्य प्रशिक्षणाशी निगडित सर्व योजना व कार्यक्रमाखालील निधीद्वारे एकत्रित अंमलबजावणीद्वारे 15 ते 45 वर्षापर्यंतच्या वयोगटातील उमेदवारांना रोजगारक्षम करण्यात येते. या योजनेचा जिल्ह्यातील जास्तीत जास्त तरुणांनी लाभ घ्यावा, असे आवाहन जिल्हा कौशल्य विकास रोजगार व उद्योगकत मार्गदर्शन केंद्र सांगली यांच्यामार्फत करण्यात आले आहे. 00000