निरोगी आरोग्याकरीता व प्रदूषण कमी करण्यासाठी सायकल चालविणे हितकारक - प्रभारी प्रमुख जिल्हा व सत्र न्यायाधीश आर. के मलाबादे

सांगली दि. 6 (जि.मा.का) : निरोगी व दीर्घायुष्य जगण्यासाठी व्यायाम करणे गरजेचे आहे. व्यायामासाठी सायकल चालविणे सर्वांसाठी हितकारक आहे. त्यामुळे प्रदूषण कमी होते, असे प्रतिपादन प्रभारी प्रमुख जिल्हा व सत्र न्यायाधीश आर. के मलाबादे यांनी जागतिक बायसिकल डे निमित्त केले. महाराष्ट्र राज्य विधी सेवा प्राधिकरण, उच्च न्यायालय मुंबई यांच्या कॉमन मिनिमम प्रोग्रॅमनुसार जिल्हा विधी सेवा प्राधिकरण सांगली, वकील संघटना व जिल्हा न्यायालयाच्या वतीने जागतिक बायसिकल डे दि. ३ जून २०२३ रोजी साजरा करण्यात आला. या कार्यक्रम प्रसंगी ते बोलत होते. यावेळी जिल्हा न्यायाधीश एस. आर. भदगले, पी. बी. जाधव, आर. एन. माजगांवकर, दिवाणी न्यायाधीश वरिष्ठ स्तर एम. एम. राव, मुख्य न्यायदंडाधिकारी पी. पी. केस्तीकर, जिल्हा विधी सेवा प्राधिकरणाचे सचिव प्रविण नरडेले, दिवाणी न्यायाधीश कनिष्ठ स्तर व्ही. व्ही. पाटील, डब्लू ए सईद, जिल्हा सरकारी वकील प्रमोद भोकरे, सांगली वकील संघटनेचे अध्यक्ष किरण रजपूत आदि उपस्थित होते. यावेळी प्रमुख जिल्हा न्यायाधीश सांगली यांच्या निवासस्थानापासून ते जिल्हा न्यायालय, विजयनगर सांगली पर्यंत सायकल रॅली काढण्यात आली. रॅलीमध्ये जिल्हा मुख्यालयातील न्यायाधीश, वकील व कर्मचारी वृंद मोठ्या संख्येने उपस्थित होते. या कार्यक्रमास वकील संघटनेचे पदाधिकारी तसेच जिल्हा न्यायालय सांगली येथील कर्मचारी वृंद मोठ्या संख्येने उपस्थित होते. कार्यक्रमाचे नियोजन जिल्हा विधी सेवा प्राधिकरणाचे सचिव प्रविण नरडेले व जिल्हा न्यायालयाचे प्रबंधक विरूपाक्ष कुलकर्णी यांनी केले. 00000