सांगली, दि. 26 (जि.मा.का)
: जिल्ह्यात पूरबाधित कुटूंबातील आजअखेर 52 हजार 185 पशुधनावर लसीकरण व 26 हजार
658 पशुधनावर उपचार करण्यात आले आहेत. तर 13 हजार 751 जनावरांच्या नुकसानीबाबत
पंचनामा करण्यात येवून 85 लाख 63 हजार 200 एवढे अनुदान संबंधित शेतकऱ्यांना वाटप
करण्यात आले आहे. अशी माहिती जिल्हाधिकारी डॉ. अभिजीत चौधरी यांनी दिली.
बाधित
कुटुंबातील गाय व म्हैस वर्गीय 373 जनावरे, मेंढी, बकरी, डुक्कर 119 जनावरे, उंट,
घोडा व बैल वर्गीय 7 जनावरे, वासरू , गाढव, शेंगरू, खेचर वर्गीय 130 जनावरे,
कोंबड्या व इतर पक्षी 62 हजार 145 अशा पशुधनाचे नुकसान झाले आहे. नुकसानीची
अंदाजित रक्कम 1 कोटी 40 लाख 56 हजार 400 इतकी आहे.
जिल्हाभरातील
266 दुधाळ जनावरांचे 67 लाख 65 हजार, ओढकाम करणाऱ्या 104 जनावरांचे 16 लाख 93 हजार
व 13 हजार 381 कोंबड्या व कुक्कुट वर्गीय प्राण्यांचे 1 लाख 5 हजार 200 असे
आतापर्यंत एकूण 13 हजार 751 जनावरांच्या नुकसानीबाबत पंचनामा करण्यात येवून 85 लाख
63 हजार 200 एवढे अनुदान संबंधित शेतकऱ्यांना वाटप करण्यात आले आहे.
पूरबाधित
जनावरांसाठी स्वयंसेवी संस्था, दानशूर व्यक्ती यांच्याकडून 2 हजार 274 मे. टन चारा
प्राप्त झाला आहे. सांगली जिल्हाकरिता 208.75 मे. टन पशुखाद्य प्राप्त झाले असून
सदरचा चारा व पशुखाद्य आवश्यकतेप्रमाणे बाधित गावांमध्ये वाटप करण्यात येत आहे.
000000
कोणत्याही टिप्पण्‍या नाहीत:
टिप्पणी पोस्ट करा