सांगली, दि. 27 (जि.मा.का) : जिल्ह्यात पूरबाधित कुटूंबातील आजअखेर 52 हजार 185
पशुधनावर लसीकरण व 26 हजार 752 पशुधनावर उपचार करण्यात आले आहेत. तर 13 हजार 883
जनावरांच्या नुकसानीबाबत पंचनामा करण्यात येवून 93 लाख 71 हजार 200 एवढे अनुदान
संबंधित शेतकऱ्यांना वाटप करण्यात आले आहे. अशी माहिती जिल्हाधिकारी डॉ. अभिजीत
चौधरी यांनी दिली.
बाधित कुटुंबातील गाय व म्हैस
वर्गीय 378 जनावरे, मेंढी, बकरी, डुक्कर 119 जनावरे, उंट, घोडा व बैल वर्गीय 7
जनावरे, वासरू, गाढव, शिंगरू, खेचर वर्गीय 131 जनावरे, कोंबड्या व इतर पक्षी 62
हजार 145 अशा पशुधनाचे नुकसान झाले आहे. नुकसानीची अंदाजित रक्कम 1 कोटी 42 लाख 22
हजार 400 इतकी आहे.
जिल्हाभरातील 290 दुधाळ
जनावरांचे 74 लाख 31 हजार, ओढकाम करणाऱ्या 112 जनावरांचे 18 लाख 30 हजार व 13 हजार
481 कोंबड्या व कुक्कुट वर्गीय प्राण्यांचे 1 लाख 10 हजार 200 असे आतापर्यंत एकूण
13 हजार 883 जनावरांच्या नुकसानीबाबत पंचनामा करण्यात येवून 93 लाख 71 हजार 200
एवढे अनुदान संबंधित शेतकऱ्यांना वाटप करण्यात आले आहे.
पूरबाधित जनावरांसाठी
स्वयंसेवी संस्था, दानशूर व्यक्ती यांच्याकडून 2 हजार 274 मे. टन चारा प्राप्त
झाला आहे. सांगली जिल्हाकरिता 208.75 मे. टन पशुखाद्य प्राप्त झाले असून सदरचा
चारा व पशुखाद्य आवश्यकतेप्रमाणे बाधित गावांमध्ये वाटप करण्यात येत आहे.
000000
कोणत्याही टिप्पण्‍या नाहीत:
टिप्पणी पोस्ट करा