सांगली, दि. 23 (जि.मा.का.) : साहित्यरत्न लोकशाहीर अण्णाभाऊ साठे विकास
महामंडळामार्फत मातंग समाजातील दानखणी, मादींग, मिनी-मादींग, मातंग, मांग, मांग
(मांग महाशी), मादिगा, मांग गारूडी, राधे मांग, मदारी या जातीतील लोकांच्या
नोंदणीकृत बहुउद्देशीय, सेवाभावी संस्थांची माहिती संकलित करण्याचे काम सुरू आहे.
या समाजातील विद्यार्थ्यांसाठी विविध व्यवसायिक व शैक्षणिक विषयांशी निगडीत
प्रशिक्षण देण्यासाठी व प्रशिक्षण घेण्यासाठी इच्छुक असलेल्यांनी तसेच या समाजातील
लोकांच्या नोंदणीकृत बहुउद्देशीय, सेवाभावी संस्थांच्या अध्यक्ष व सदस्यांनी
संस्थेची संपूर्ण अद्ययावत माहिती व कागदपत्रासह लोकशाहीर अण्णाभाऊ साठे विकास
महामंडळाच्या सांगली जिल्हा कार्यालयाशी संपर्क साधावा, असे आवाहन महामंडळाचे
जिल्हा व्यवस्थापक एल. ए. क्षीरसागर यांनी केले आहे.
कोणत्याही टिप्पण्या नाहीत:
टिप्पणी पोस्ट करा