सांगली, दि. 20, (जि. मा. का.) : कोव्हिड-19 आजाराचा धोका 60 वर्षा पेक्षा जास्त वयाच्या लोकांना अधिक असल्याने निवृत्तीवेतनधारकांनी आपल्या शंका व अडचणी यांच्या संदर्भात कोषागार कार्यालयामध्ये प्रत्यक्ष भेट देण्याचे पुढील 15 दिवसासाठी टाळावे, असे आवाहन जिल्हा कोषागार अधिकारी सुशीलकुमार केंबळे यांनी केले आहे.
निवृत्तीवेतनधारक आपल्या शंका व अडचणी संदर्भात अप्पर कोषागार अधिकारी (निवृत्तीवेतन) यांच्या दूरध्वनी क्र. 0233-2381749 या क्रमांकावर किंवा ई-मेल to.sangli@zillamahakosh.in वर संपर्क साधू शकतात. तसेच शासनाने निवृत्तीवेतन धारकांना राष्ट्रीयकृत बँकेत खाते उघडण्याबाबत आवाहन करण्यात आलेले आहे. परंतु कोरोना विषाणूमुळे सद्यस्थितीला राष्ट्रीयकृत बँकेत खाते उघडण्याची आवश्यकता नाही. निवृत्तीवेतन / कुंटुंबनिवृत्तीवेतन सध्या ज्या बँकेत घेत आहेत त्या बँकेत पाठविले जाईल यांची नोंद घ्यावी. तरी प्रत्यक्ष वैयक्तिक भेटी टाळून दूरध्वनी आणि ई-मेल संपर्काच्या सुरक्षित पर्यायाचा वापर करा, असे आवाहन जिल्हा कोषागार अधिकारी सुशीलकुमार केंबळे यांनी केले आहे.
00000
कोणत्याही टिप्पण्‍या नाहीत:
टिप्पणी पोस्ट करा